Turmush — Баткен шаарында тез татым жайлары жана чач тарачканаларга рейд жүргүзүлүп, санитардык талаптарга жооп бербеген 7 түйүнгө эскертүү берилди. Бул тууралуу шаардык кеңешмеде Баткен райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун адистери билдиришти.

Маалыматка караганда, шаарда жугуштуу ооруларды алдын алуу максатында тез татым, чач тарачканалар текшерилди. Анын жыйынтыгында 7 түйүнгө эскертүү берилип, кемчиликтерди четтетүү милдеттендирилди. Эгерде сунуштар берилген мөөнөтүндө аткарылбаса, айып пул салынары эскертилип, санитардык милдеттенмелер берилди.