Turmush — Бүгүн, 17-февралда саат 19:45те Бишкек—Ош автоунаа жолунун 255-чакырымында кар көчкү түштү.

Өзгөчө кырдаалдар министрлигинин Жалал-Абад облустук башкармалыгынан алынган маалымат боюнча, учурда Чычкан капчыгайында эки тараптагы унаалардын каттамы жабылды. Кар көчкүнүн көлөмү такталып жатат. Алгачкы маалыматтар боюнча, адамдар жаракат алган жок.

№23 жол тейлөө мекемеси 2 автожүктөгүч унааны кар көчкү түшкөн аймакка жөнөттү.