Turmush — Бишкек–Ош унаа жолунун Чычкан капчыгайындагы тилкесинде бара жаткандар ак илбирсти көрүштү. Бул тууралуу күбөлөр билдиришти.

Маалыматка караганда, жырткыч жол четинен ары басып кеткен. Капчыгайда калың кар жатат.

«Ак илбирс тоолордогу кең аймакты ээлейт. Аймагынын ичинде аңчылыгына жараша жер которуп турат. Ал өзүнүн негизги азыгы болгон тоо текелердин артынан жүрөт. Ак илбирстер февраль айынын этеги, март айында жупташат. Алар өздөрүнө түгөй издеп активдүү жер которушат. Алар ушул учурда адамдардын көзүнө көп чалдыгат», — деди эколог адис Александр Сидоренко.