Turmush — Бүгүн, 14-февралда Ош шаардык кеңешинин 16-сессиясы өттү. Жыйындын күн тартибинде жалпы 7 маселе каралды.

Ар түрдүү маселелер каралып жатканда депутат Нурсултан Каримов («Бир-Бол» фракциясы) Сулайман-Тоо муниципалдык аймактык башкармалыгынын имаратынын жанындагы фельдшердик-акушердик пунктун абалы абдан начар экенин белгиледи.

Вице-мэр Нурбек Кадыров бул маселе караларын айтты.

Ошондой эле депутат Туран муниципалдык аймактык башкармалыгында ден соолугунун мүмкүнчүлүгү чектелген жарандар жергиликтүү бийлик алардан кабар албай жатканын билдиришкенин айтты.