Turmush — Ош облусунун Кара-Кулжа районунда кар көчкү түшкөн унаа жолдор ачылды. Бул тууралуу №26 жол тейлөө ишканасынын жетекчиси Бакыт Аттокуров билдирди.

Анын айтымында, көчкү түшкөн жолдор тазаланды.

«Кечээ, 21-февралда Ош облусунун Кара-Кулжа районуна караштуу Мырза-Аке—Кара-Кулжа—Алайкуу эл аралык маанидеги унаа жолу толугу менен ачылды. Учурда жолдорду кеңейтүү жана чоң көчкүлөрдү ылдыйлатуу жумуштары жүрүп жатат. Райондук №26 жол тейлөө ишканасынын жумушчулары иштөөдө», — деди Аттокуров.

Кара-Кулжа районунун акиминин буйругуна ылайык, Мырза-Аке—Кара-Кулжа—Алайкуу унаа жолунун 75-чакырымынан тартып (Капчыгай айыл аймагынын Кара-Таш айылы) 115-чакырымына чейинки (Кызыл-Жар айылдык аймагынын Күйө-Таш айылы) аралык 2023-жылдын 16-февралынан саат 18:00дөн тартып белгисиз убакытка чейин эки тараптуу жабылган болчу.