Turmush — Жалал-Абад облусунун Чаткал районуна караштуу Чаткал айыл өкмөтүнүн Курулуш айылында кар көчкү түштү. Бул тууралуу ӨКМдин басма сөз кызматы билдирди.

Маалыматка караганда, кар көчкү бүгүн, 17-февралда саат 03:30 чамасында түшүп, 1 турак үйдүн короосуна чейин жеткен. Жеринде тактоо иштери жүргүзүлүп, кар көчкүдөн адам өмүрүнө коркунуч жана жабыркагандар жок экендиги аныкталды.

Учурда Чаткал райондук өзгөчө кырдаалдар бөлүмүнүн башчысынын жетекчилигинде 4 куткаруучу тартылып, турак үйдүн короосунда кар көчкүдөн тазалоо жумуштары жүргүзүлүүдө.