Turmush — Кечээ, 1-апрелде Адилет Орозбаков Ак-Суу районунун Боз-Учук айыл өкмөтүнүн башчысы болуп дайындалды. Бул тууралуу аймактык кабарчы билдирди.

Маалыматка караганда, аны кечээ район акими Мунарбек Насиров жамаатка жана айыл активине тааныштырды.

Резюмеси:

Орозбаков Адилет Эсенгулович 1980-жылы туулган. 2 баланын атасы.

Ж.Баласагын атындагы Кыргыз улуттук университетинин мамлекеттик кызмат жана философия факультетин аяктаган.

Мамлекеттик кызматтагы стажысы 8 жыл.

Ишмердүүлүгү:

2003-2005-жылдары — Чүй облустук администрациясынын укук коргоо органдары менен иштөө секторунун адиси;

2005-2007-жылдары — Чүй облустук администрациясынын укук коргоо органдары менен иштөө бөлүмүнүн башкы адиси;

2007-2008-жылдары — Чүй облусунун губернаторунун жардамчысы;

2008-2010-жылдары — Чүй облустук администрациясынын укук-тартип иши боюнча бөлүмүнүн башкы адиси;

2012-2013-жылдары — «Мөл-Булак ру» компаниясынын адиси;

2015-жылы Чүй облусттук администрациясынын финансылык-экономикалык суроолор боюнча бөлүмүнүн башкы адистин милдетин аткаруучу;

2015-жылдан ушул күнгө чейин жеке ишкер;

2021-жылы Жети-Өгүз районунну Оргочор айыл аймагынын жергиликтүү кеңешинин депутаты.