Turmush — Бүгүн, 12-ноябрда Жумгал районунун Байзак айылында түшүм майрамына карата өткөн ат оюндарынын жыйынтыгы чыкты. Бул тууралуу Turmush басылмасынын аймактык кабарчысы билдирди.

Маалым болгондой, кунан чабышта 1-орунду Таш-Дөбө айылынан Бакыт Солтобековдун кунаны алып 10 миң сом менен сыйланды. 2-орунга Чүй облусунан келген Азим Сасыкуловдун кунаны келип, 6 миң сомго, 3-орунга Таш-Дөбө айылынан Токтокожо Чаңовдун кунаны келип, 4 миң сомго ээ болду.

Ал эми жорго салышта 1-орунга Жаңы-Арыктан Мирлан Сапарбековдун Акбар аттуу жоргосу келип 12 миң сом, 2-орунга Жаңы-Арык айылынан Эржан Асановдун Торала жоргосу келип 6 миң сом, 3-орунга Турар Шакировдун Аянтор аттуу жоргосу келип, 5 миң сом менен сыйланды.

Аламан жарышта 1-орунду Чүй Токмоктон келген Баги Базарбаевдин Сулуутору күлүгү ээлеп, 15 миң сом, 2-орунга Нурзат Бурбаевдин Маржан аттуу күлүгү келип 10 миң сом, 3-орунга Куйручук айылынан Кубан Насировдун аргымагы келип, 5 миң сом утту.

Аны менен катар райондун айыл чарбасына эмгеги сиңген инсандар акимчиликтин ардак грамоталары менен сыйланышты.