Turmush — Бүгүн, 13-июль күнү Кадырали Бакиров бир нече бир туугандары менен биргеликте Ош облустук сотунун алдына жазуусу бар плакаттарды көтөрүп чыкты.

Анын айтымында, шектүү психалык абалын шылтоолоп, Жалал-Абаддагы психикалык ооруканага барууга аракет кылып жатат.

Ал Ош облустук сотунун ушул ишти караган судьясынан адилеттүү чечим күтүп жатканын, соттук-медициналык экспертизанын жыйынтыгы менен шектүү апасын өлтүргөн убакта аффект абалда эмес экенин билдирди.

• 2023-жылдын 26-апрелинде Ак-Булак айылынын кароосуз турган үйдүн жер төлөөсүнөн 75 жаштагы аялдын жансыз денеси өрттөлгөн абалда табылган. Маркумду өлтүрүүгө шектелип, кошунасы кармалган.

Буга чейин Кадырали Бакиров кошунасы апасын мыкаачылык менен өлтүргөнүн Turmush басылмасына айтып берген.