(31-бөлүм.)
Карып аларды утурлап келе жат-
кан,бейитке жете электе,дикилдеп
келе жаткан экөөнү көрүп,Марал мен
тосуп келе жаткам,деп үн салды.
-Ботом,ийик ийрип,тор токуп жаттыңбы,эрте эле баспайт белең утур-
лап,деген Ракыянын кебетесин көрүп,
унчукпай күнөөлүүдөй болгон Карып,ай жарык турбайбы,кудай сактасын деп
кобурады.
Үчөө үн катышпай чай ичишти,Ка-
рып жумуртканы сууга бышырып кой-
гон экен,кечке ооздоруна бир нерсе
албаган экөөнүн эки колу бир оозуна
түтпөй жатты.-Дем салдыбы?-Ооба.
Суроо да,сөз да кыска болду.Ракыяга
молдокенин унчукпаганы табышмак
болуп,арам ойлор такыр кетпей койду.
Үйүбүз деп,жолугуп жүрүп,бирдеме бо-
луп калдыбы,молдоке бузулганын би-
лип,унчукпай калдыбы?Айтор,жакшы
ой келбеди ага.
Окууга тапшырганга мелициналык
аныктама керек,аны райондун борбору-
нан өтүүсү керек.Ракыя райондук поли-
клиникада иштеген Тумаркан деген ке-
линге табыштады Акмаралды,ал анык-
тамаңарга кыз,кыз эместиги да текше-
рилип,жазылабы деп сурады эле:-Кою-
ңузчу жеңе,онду жаңы бүткөн кыздын
эмнесин текшеребиз,же кызыңыздан
күмөнүңүз барбы,гинекологияга алып
барсаңыз эле текшерип беришет деп,
бир кызыктай абалда Ракыяны карады.
Каап,бул шүмшүктөн сурабай эле
койбой,деп өкүнүп калды Ракыя.Акма-
ралды медициналык кароодон өткөрүп,
аныктаманы алган соң,гинекологияга
ээрчитип жөнөдү.Ракыя врачка кирип
чыккан соң,Акмаралды кир деди:-Че-
чин,креслого чык,капырай эл эмне бо-
луп калган,кызымдын кыз экенине
ишенбей турам деп,чөнтөгүнө кызыл
он сомдук сала койгон,бул аялга таң
кала,текшерип берип коюңуз деген
өтүнүчүн аткармак болду.-Эмнеге
чыкмак элем?Акмарал түшүнө албай
турду.-Бул сенин өз энеңби же өгөйбү
деп сурады врач,иштегениме отуз жыл
болду,кызымдын кыз экенине ишенбейм,ага айтпай текшерип бериңиз дегенди биринчи угушум,эмне
жигитиң барбы,сени ким бузду,чының-
ды айт,боюңда болуп калса,кандай бо-
лот,биринчиңди аборт жасатсаң,төрө-
бөй калуу коркунучу да бар,кел эми кө-
рөйүн.Акмаралдын оозунан сөзү түштү
да,эшикке чыкты.
(Уландысы бар.)
