Turmush — Айланма жолдо «Mercedes-Benz G-класс» үлүгүсүндөгү унаа кырсыкка кабылды. Бул тууралуу аймактык кабарчыга күбөлөр билдиришти.

Видео 11-июнда тартылган. Андан унаанын алдыңкы айнектери талкаланганын көрүүгө болот.

Чүй ОИИББ боюнча ЖКККБнын басма сөз кызматы билдиргендей, 2023-жылдын 11-июнунда болжол менен саат 11:30 чамасында 1988-жылы туулган А.Э.А. «Mercedes-Benz G-класс» үлгүсүндөгү унаасын Бишкек—Нарын—Торугарт унаа жолунда күн батыштан күн чыгышты көздөй башкарып бара жатып, аталган жолдун 73.855-чакырымына жеткенде кырсыкка кабылган.

Алдын ала маалымат боюнча, айдоочу алдыңкы отургучтагы (жанындагы) баласына алаксытып кетип, рулга ээ боло албай калган. Анын кесепетинен унаа жолдун түндүк тарабына чыгып, оодарылып кеткен.

Натыйжада 5 адам — 1988-жылы туулган айдоочу А.Э.А., анын 1999-жылы туулган жубайы Г.Э., балдары — 2022-жылы туулган А.У.Э., 2011-жылы туулган Н.А.Н., 2023-жылы туулган А.А.Э. ар кандай жаракаттар менен Токмок шаардык ооруканасына кайрылышкан.