Turmush — Нарын облусунун Ак-Талаа районунда дене тарбия жана спорт кызматкерлеринин кесиптик күнү белгиленип, сыйлыктар тапшырылды. Бул тууралуу аймактык кабарчы билдирди.

Тайлак баатыр атындагы балдар-өспүрүмдөр спорт мектебинин жана бир катар дене тарбия мугалимдери менен район акими Жумадилла Жапаров, Баетов айыл өкмөтүнүн башчысы Алмаз Абдылдаев жолугуп, аларды кесиптик күнү менен куттуктады.

Иш-чаранын жүрүшүндө Ак-Талаа райондук мамлекеттик администрациясынын, Нарын облустук жаштар иштери, дене тарбия жана спорт башкармалыгынын, Баетов айыл өкмөтүнүн жана билим берүү бөлүмүнүн сыйлыктары ыйгарылды.

— «Тайлак баатыр» балдар-өспүрүмдөр спорт мектебинин жетекчиси Билимбек Капарбеков Дене тарбия жана спорт департаментинин «Эмгек сиңирген машыктыруучусу» төш белгиси менен сыйланды. Билимбек Капарбеков Калмира Билимбекованы эркин күрөш боюнча машыктырып келет;

— Президенттин Нарын облусундагы өкүлчүлүгүнүн ардак грамотасы менен райондун спорт инструктору Улан Догдурбек уулу;

— Ак-Талаа райондук мамлекеттик администрациясынын ардак грамотасы менен «Тайлак баатыр» балдар-өспүрүмдөр спорт мектебинин эркин күрөш боюнча машыктыруучусу Иманбек Капарбеков;

— Нарын облустук жаштар иштери, дене тарбия жана спорт башкармалыгынын ыраазычылык каты менен «Тайлак баатыр» балдар-өспүрүмдөр спорт мектебинин эркин күрөш боюнча машыктыруучусу Моңолдор Абдысатар уулу;

— Нарын облустук жаштар иштери, дене тарбия жана спорт башкармалыгынын ардак грамотасы менен «Тайлак баатыр» балдар-өспүрүмдөр спорт мектебинин бухгалтери Эльмира Сулайманова;

— Нарын облустук жаштар иштери, дене тарбия жана спорт башкармалыгынын ыраазычылык каты менен Баетов айылынын Шүкүрбек Бейшеналиев атындагы орто мектебинин дене тарбия мугалими Таалай Байсеркеев;

— Нарын облустук жаштар иштери, дене тарбия жана спорт башкармалыгынын ардак грамотасы менен Тоголок Молдо айылынын Жоробек Сатылганов атындагы орто мектебинин дене тарбия мугалими Бекназар Абдыласов;

— Баетов айыл өкмөтүнүн ардак грамотасы менен «Тайлак баатыр» балдар-өспүрүмдөр спорт мектебинин чарба башчысы Чолпонбек Жамадилов;

— Баетов айыл өкмөтүнүн ыраазычылык каты менен «Тайлак баатыр» балдар-өспүрүмдөр спорт мектебинин окутуп машыктыруучусу Бекжан Шаршеналиев;

— Билим берүү бөлүмүнүн ардак грамотасы менен «Тайлак баатыр» балдар-өспүрүмдөр спорт мектебинин техникалык кызматкери Сайрагүл Искендерова жана ардак грамотасы менен аталган мектептин машыктыруучусу Жетиген Тилек уулу сыйланды.