Мужиза жана керемет♥

Мужизага ишенбеген Алланы жана Анын кудуретин да баалай албайт. “Мужиза аркылуу ай бөлүнбөйт”- дегендин өзү “Алла айды бөлүп сала албайт” дегендик. “Өлгөн тирилбейт” дегендик, “Алла бул ишти жасай албайт”,- дегендей эле кеп.

🌙Керемет – олуянын колунда жасалган адаттан сырткаркы иштер. Ошондуктан, бул да пайгамбардын мужизасынын чындыгын жана анын пайгамбарлыгын тастыктайт.

🌙Керемет- өзүн пайгамбар санап албаган олуя адамдарга Алла Таала тарабынан берилет жана муну адамдын маңызын аңдай алгандар гана түшүнөт.

🌙Олуялык – Алланы сүйүү жана Аллага сүйүктүү болуу даражасы. Алла Ага берилген бул пенделерин ойго келбеген улуу жакшылыктар менен камсыздап, эл ичинде даражасын көтөрөт.

🌙Сезим түшүнүк жагынан катардагы адамдардан өтө өзгөчөлөнгөн жөндөмдөр берилген инсандар бир жагынан алганда пайгамбарлыктын бир шооласы болуп саналат. Алардын адамдардан айырмасы да ошончолук.

🌙Олуя – бул даанышман адам. Даанышмандык философиядан канчалык жогору турса, олуя да философтон ошончолук жогору турат. Жадагалса салыштырууга мүмкүн болбогончолук деңгээлде айырма бар.