❇АЛЛАХТЫН СЫЙЛЫГЫ ЖАНА ЖАЗАСЫ КЫЛГАН ИШИҢЕ ЖАРАША БОЛОТ

Жаза же сыйлык иш-аракеттин түрүнө жараша болот, жакшылыкка жакшылык, жамандыкка жамандык.

▪ Ким мусулмандын айыбын жашырса, Аллах анын айыбын жашырат.

▪ Ким кыйналган адамга жеңилдик кылса, Аллах ага бул дүйнөдө жана акыретте жеңилдик кылат.

▪ Ким ыймандуу адамды дүйнө кайгыларын биринен куткарса, Аллах аны кыяматтагы кайгылардын биринен куткарат.

▪ Ким мусулман бир тууганынын артынан аңдып абийирин ачса, Аллах да анын абийирин ачат.

▪ Ким мусулманга зыян берсе, Аллах да ага зыян берет.

▪ Ким оорлотсо, Аллах да ага оорлотот.

▪ Ким мусулманды колдой турган абалда жардамсыз таштап кетсе, Аллах да аны колдой турган абалда жардамсыз таштап кетет.

▪ Боорукер адамдарга Мээримдүү Аллах ырайым кылат. Чындыгында Аллах пенделеринин арасынан мээримдүүлөрүнө гана мээрим төгөт.

▪ Ким Аллах үчүн сарптаса, Аллах да ага сарптайт.

▪ Ким акысынан кечсе, Аллах да аны акысынан кечет.

▪ Ким адамдарды кечирсе, Аллах да аны кечирет.

Мына ушул Аллахтын шарияты, тагдыры, аян кабары, сыйлыгы жана жазасы. Баарысы ушуга негизделген. («Иълам муваккыъин», 1/150)