Руслан Жээнбеков Талас облусундагы ыйгарым укуктуу өкүлчүлүгүнүн аппарат жетекчиси болуп дайындалды

Turmush — Жээнбеков Руслан Рахманбердиевич Талас облусундагы ыйгарым укуктуу өкүлчүлүгүнүн аппарат жетекчиси болуп дайындалды.

Ал 1985-жылы 22-февралда Талас шаарында туулган. Үй-бүлөлүү, 3 баласы бар.

Буга чейин аталган кызматты Кулушев Ырсахун Дүйшөнович жетектеп келген.

Билими:

— 2003-2008-жылдары Талас мамлекеттик университетинин маалыматтык системалар жана технологиялар адистигин, программалык камсыздоо инженери квалификациясын алып чыккан.

— 2011-жылы Кыргыз Республикасынын Президентине караштуу Башкаруу академиясынын жергиликтүү мамлекеттик башкаруу жана өз алдынча башкаруу адистиги менен менеджмент багыты боюнча магистрдик программасын окуган.

Эмгек жолу:

— 2008-жылдын 18-февралынан 2010-жылдын 18-январына чейин Талас мамлекеттик университетинин компьютердик классынын администратору;

— 2010-жылдын 18-январынан 2010-жылдын 1-сентябрына чейин Талас мамлекеттик университетинин Информациалык система жана технология кафедрасынын окутуучусу;

— 2010-жылдын 18- январынан 2011-жылдын 14-мартына чейин Талас шаарынын мэриясында системдик администратор;

— 2013-жылдын 9-январынан 2014-жылдын 18-мартына чейин Талас шаарынын мэриясынын турак жай коммуналдык чарбасынын адиси;

— 2014-жылдын 18-мартынан 2018-жылдын 19-апрелине чейин Талас шаарынын мэриясынын турак жай коммуналдык чарбасынын башкы адиси;

— 2018-жылдын 19-апрелинен 2024-жылдын 22-августуна чейин Талас облусундагы ыйгарым укуктуу өкүлчүлүгүнүн аппарат жетекчиси;

— 2024-жылдын 22-августунан баштап президенттин Талас облусундагы ыйгарым укуктуу өкүлчүлүгүнүн аппарат жетекчиси.