Turmush — Бүгүн, 5-июлда Ош шаарында Маданият, маалымат, спорт жана жаштар саясаты министрлигинин биринчи жарым жылдыкка арналган коллегиясы өттү.

Turmush басылмасынын кабарчысы билдиргендей, жыйынга министрликтин коллегия мүчөлөрүнүн толук курамы жана Ош, Жалал-Абад жана Баткен облусундагы министрликтин карамагындагы мекеме жетекчилери катышты.

Жыйындын жүрүшүндө министрликтин 2024-жылдын биринчи жарым жылдыгындагы ишмердүүлүгү, министрликтин түзүмдүк жана ведомстволук бөлүмдөрүнүн 2024-жылдын жарым жылдыгына карата иш кагаздарын аткаруу тартибинин абалы, Баткен, Жалал-Абад, Ош облустарындагы театр мекемелеринин, китепканаларынын, маданият бөлүмдөрүнүн, клубдардын, спорт объектилеринин абалы каралды.