Turmush — Жалал-Абад облусунун Токтогул районунда сел жүрдү.

Тургундардын айтымында, 23-июнь күнү нөшөрлөгөн жаандан кийин тоодогу кокту-колоттордон сел суулары түшкөн.

Үч-Терек айылында сел жүргөн.

Жаратылыш кырсыгынын кесепеттери азырынча белгисиз.

Буга чейин Өзгөчө кырдаалдар министрлигинин басма сөз кызматы Талас, Чүй, Жалал-Абад, Ош жана Баткен облустарынын аймактарында нөшөрлүү жамгыр жаап, сел жүрүшү мүмкүн экенин билдирген.

Төмөнкү аймактарда нөшөрлөгөн жамгыр жаамак:

— Баткен облусунун Кадамжай районунда

— Ош облусунун Чоң-Алай, Алай, Кара-Суу жана Ноокат райондорунда

— Жалал-Абад облусунун Тогуз-Торо, Сузак, Базар-Коргон райондорунда

— Ысык-Көл облусунун Тоң, Жети-Өгүз райондорунда

— Чүй облусунун Жайыл районунда.

Ошондой эле Ысык-Көл облусунун Ак-Суу, Тоң, Жети-Өгүз райондорунда, Чүй, Талас, Жалал-Абад облусунун тоолуу аймактарында нөшөрлөгөн жамгыр жаашы жана сел жүрүшү күтүлөт.