«Мени издебегиле» деп, кат таштап кеткен кызды милиционерлер 12 күндөн бери издеп жатышат

Turmush — Жалал-Абад облусунун Сузак районуна караштуу Ырыс айыл аймагындагы Күмүш-Азиз айылынын 1994-жылы туулган тургуну Абабакирова Нодирабегим Абабакировна изделүүдө. Анын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Маалыматка караганда, 2022-жылдын 23-мартында таңкы саат 05:00 чамасында «Мени издебегиле, мени кечиргиле» деген мааниде кат жазып, үйүнөн эч кимге айтпастан чыгып кеткен бойдон дайынсыз болууда.

Өзгөчө белгилери: Бою 175-180 см, өңү ак жүздүү, чачы кара узун, кашы, көзү кара

Кийген кийимдери: Башында жашыл түстөгү жоолук, үстүндө кызыл түстөгү узун көйнөк, сары түстөгү кемзир, бутунда кара түстөгү тапочка.

Аны көргөн-билгендер 102, (03748) 5 02 09, 0556 84 84 58 номурлары аркылуу кабарласа болот.