Turmush — Каракол шаарынын жаңы дайындалган мэри Фархат Алжамбаев шаар активине тааныштырылды, деп билдирди аймактык кабарчы.

Тааныштыруу иш-чарасына президенттин Ысык-Көл облусундагы ыйгарым укуктуу өкүлү Улан Далиев, Каракол шаарынын активи жана депутаттар катышты.

Фархат Алжамбаев 1982-жылы 13-апрелде туулган. Жогорку билимдүү. Буга чейин Бишкек шаарынын мэриясына караштуу «Сууканал» муниципалдык мекемесинин башчысы болгон.