Кара-Жыгач айыл өкмөтүндө шайлоочулардын 15,4 пайызы добуш берди

Turmush — Аксынын Кара-Жыгач айылдык кеңешине шайлоо жүрүп жатат. Бул тууралуу БШКнын Аксы району жана Таш-Көмүр шаары боюнча өкүлү Казыбек Шалыбеков билдирди.

Маалыматка караганда, аталган айыл аймакта 21 мандат үчүн 32 талапкер ат салышууда.

«Бүгүнкү күнү райондун Кара-Жыгач айылдык кеңешинде да добуш берүү жүрүп жатат. Анда 21 мандат үчүн 32 талапкер ат салышууда. Тагырагы, айыл аймакта 3 шайлоо округ бар. Кара-Жыгач окуругунда 10 мандат үчүн 17 талапкер, Сыны окуругунда 8 мандатка 10 талапкер, ал эми Дардак-Дөбө округунда 3 мандатка 5 талапкер ат салышууда. Саат 12:00дөгү бирге берген маалыматына караганда, айыл аймактагы жалпы шайлоочулардын 15,4 пайызы добуш берди. Добуш берүү аяктаса, айылдык кеңештин 21 депутатынын 7си аял киши болот», — деди К.Шадыбеков.

Кара-Жыгач айыл аймагында 3 шайлоо участкасы бар. Андан 4496 шайлоочу добуш бере алат.