Turmush — Жалал-Абад облусунун Кара-Көл шаарында СПИДге жана зомбулукка каршы жөө жүрүш өттү.

Иш-чара 1-декабрь – СПИДге каршы күрөшүүнүн эл аралык күнүнө карата уюштурулду. Жөө жүрүшкө мектеп окуучулары жана шаардагы окуу жайлардын студенттери катышты. Алар №4 Шопоков орто мектебинен мэриянын имаратынын алдына чейин жөө жүрүш жасашты.

Ошондой эле зордук-зомбулукка каршы 16 күндүк акциянын алкагында жаштар жөө жүрүшкө чыкты. Иш-чара 28-ноябрда уюштурулду. Соңунда маданият үйүндө тарбиялык мааниси бар тасма көрсөтүлдү.

Мындан тышкары үй-бүлөлүк зомбулуктан сактоо жана коргоо боюнча жергиликтүү комитеттин мүчөлөрүнө окууну ийгиликтүү аяктаганы үчүн сертификаттар тапшырылды. Алар февраль айында Жалал-Абад шаарындагы «Каниет» реабилитациялык окуу борборунда үй-бүлөлүк зомбулуктан сактоо жана коргоо боюнча комитеттер эмне иш алып бара турганы туралуу окуудан өтүшкөн.