ГУСУЛ АЛУУ СҮННӨТ БОЛГОН УБАКЫТТАР

~ ГУСУЛ АЛУУ СҮННӨТ БОЛГОН УБАКЫТТАР~

Бисмиллахир Рохманир Рохиим

✏ Жума күнү жума намазга жуунуу- сүннөт. Жума — күндөрдүн эң абзели, жума намаз намаздардын абзели болгону үчүн. Пайгамбарыбыз ( С.А.В.): » Ким жума күнү даарат алса- жакшы иш кылган болот, эгер жуунса андан да жакшыраак» — деп айткан. Эгер бейшемби күнү түнкүсүн жуунуп алган болсо, жетиштүү болот, себеби анын жума намазга денедеги жыттарды кетирип, тазаланып баруу максаты аткарылды.

✏ Курбан айт намазына жана Орозо айт намазына жуунуп баруу сүннөт.

✏ Ажыга барганда, ажыга ихрам кийип, ниет кылганда жуунуп тазаланып, ихрам кийүү — сүннөт.

Ажыга барганда- Арафат тоосуна барат, ошондо жуунуп баруу сүннөт. Бирок, өлүктү гусул алдыруу важип, бир каапыр мусулман болсо да, гусул алуу важип, жана ошондой эле наристе бала балагатка жетсе, жинди болгон адам сакайсс да гусул алуу- мустахаб.