Журналист Гүлчехра Тажибаева 45 жашында каза болду

Turmush — Бүгүн, 14-ноябрда журналист, филолог Тажибаева Гүлчехра Сапарбаевна каза болду.

Ал 1979-жылы 13-майда Баткен районунун Баткен кыштагында кызматчынын үй-бүлөсүндө төрөлгөн. В.И.Ленин атындагы орто мектепти 1999-жылы аяктап, ошол эле жылы аталган мектептин катчы-арип терүүчүсү болуп эмгек жолун баштаган.

1997-жылы Ош мамлекеттик университетинин филология факультетине тапшырган. 2002-жылы үй-бүлөлүк шартына байланыштуу БатМУнун дүйнөлүк тилдер жана филология факультетин бүтүрүп, кыргыз тили жана адабияты мугалими адистигине ээ болгон.

Ал Баткен райондук мамлекеттик админстрациясында жооптуу кызматтарда иштеген. 2000-жылы жаңыдан уюшулган «Баткен таңы» гезитинен эмгек жолун улаган. Жөнөкөй кабарчылыктан жооптуу катчылыкка, редактордун орун басарлыгына, редакторлугуна чейин жеткен.

2012-жылы Баткен райондук «Кызыл туу» гезитинин башкы редактору болуп дайындалган. Райондук гезитти 2019-жылдын март айына чейин жетектеген.

2006-жылдан бери республикалык «Кыргыз Туусу» гезитинин Баткен облусу боюнча кабарчысы болуп иштеп келген.

Артында бир кыз, эки уулу жана жолдошу калды.