Turmush — Жети-Өгүз районунун Кызыл-Суу айылында Ысык-Көл облусунун ички иштер органдарынын ардагерлеринин арасында волейбол жана шахмат боюнча мелдеш болуп өттү.

Иш-чара кыргыз милициясынын 100 жылдыгына арналды. Волейбол боюнча мелдешке 8 команда катышты. Ардагерлер шахмат боюнча да күч сынашты.

Катышуучулар төмөнкү номинациялар боюнча сыйланышты:

— «Мыкты либеро»;

— «Мыкты чабуулчу»;

— «Мыкты кабыл алуучу»;

— «Мыкты коргоочу»;

— «Эң мыкты берүүчү».

Ысык-Көл ОИИБдин ардагерлер командасына 1-орун үчүн Ысык-Көл ОИИБдин башчысынын кубогу тапшырылды. Экинчи орунду Тоң районунун ардагерлер курама командасы ээледи. 3-орунга Ысык-Көл облусунун ички иштер башкармалыгынын ардагерлер командасы, 4-орунга Жети-Өгүз районунун ички иштер бөлүмүнүн ардагерлер командасы ээ болушту.

Бардык жеңүүчүлөр медаль, ардак грамота жана баалуу белектер менен сыйланышты.