Жайыл районунда милиционерлер арасында волейбол мелдеши өтүп, жеңүүчүлөр аныкталды

Turmush — Чүй облусунун Жайыл районунда өспүрүмдөр менен иштөө инспекциясынын кызматкерлеринин күнүнө карата райондор аралык волейбол мелдеши болуп өттү.

Турнирге Сокулук, Москва, Жайыл, Панфилов райондорунун ички иштер бөлүмдөрүнүн кызматкерлери катышты.

Оюндун жыйынтыгында 1-орунду Панфилов районунун командасы, 2-орунду Москва районунун командасы, 3-орунду Жайыл жана Сокулук РИИБдин командалары камсыздашты.

Бардык командалар дипломдор, кызыктыруучу белектер жана акчалай сыйлыктар менен сыйланышты.

Чүй облусунун ички иштер башкы башкармалыгынан билдиришкендей, бул спорттук иш-чара башкармалыктын райондук бөлүмдөрүндө акыркы 3 жылдан бери өткөрүлүп келет. Келерки жылы волейбол боюнча мелдеш Сокулук РИИБде уюштурулары күтүлүүдө.