Turmush — Аялдардын эл аралык күнүнө карата Жайыл районунун 75 айымы ардак грамоталарга ээ болушту.

Ленин атындагы маданият үйүндө салтанаттуу иш-чара болуп өттү. Анда жетекчилердин куттуктоолору айтылып, концерттик программа тартууланып, ардак грамоталар жана 500 сом акчалай сыйлыктар тапшырылды.

Ардак грамота коомдук иштерге активдүү катышып, ийгиликтерге жетишкен аялдарга ыйгарылды. Алардын арасында социалдык мекемелердин кызматкерлери — мугалимдер, дарыгерлер, мекеме-ишканалардын, укук коргоо органдарынын кызматкерлери, жеке ишкерлер, пенсионерлер бар.

Акимиат 35, мэрия 30, шаардык кеңеш 10 грамота тапшырды.