Ысык-Көлдө бир жумада 1600дөн ашык айдоочу жол эрежесин бузду. Алардын 69у мас абалда унаа башкарган

Turmush — Ысык-Көл облусунда бир апта ичинде 69 мас айдоочу кармалды. Бул тууралуу облустук жол кыймылынын коопсуздугун камсыздоо бөлүмүнөн билдиришти.

Маалыматка караганда, 14-21-июнь күндөрү жол эрежесин бузган 1686 айдоочу аныкталып, протокол түзүлдү.

Алардын ичинен:

— ылдамдыкты ашырып айдоо — 774 учур;

— жол белгисине баш ийбөө — 377 учур;

— унааны тиешелүү документи жок башкаруу — 24;

— автоунаа айдоого укугу жок башкаруу — 5;

— жол эрежелерин бузган 18 жөө жүргүнчү;

— башка жол эрежелерин бузуу — 312 учур.

Ошондой эле 107 автоунаа айып короого киргизилди.