Ысык-Көлдөгү токойдо жашынган чоң жырткычты видеого тартып алышты

Turmush — Ысык-Көл облусунун Каракол шаарынан анча алыс эмес жерде «Алтын Арашан» коругуна бара жаткан жолдон туристтер тобу аюуга жолугуп калышты. Бул тууралуу алардын бири Turmush басылмасына билдирди.

«Аюуну унаадан түшкөндө кокустан байкап калдык. Чоң жырткыч дээрлик көрүнбөй калган. Ал калың бадалдарына жашынып, малина жеп жатыптыр. Аюу мөмө-жемиштерди жеп, адамдарга көрүнгүсү келбегендиктен калың бактарга кирип кетти», — дешет туристтер.

Буга чейин Жалал-Абад облусунун Токтогул районундагы Алатай коругунан 1 күндө 8 аюуну видеого тарып алышкан болчу.