Turmush — Ысык-Көл районунун Бостери айылында катталган кырсыктан жабыркагандардын ичинен дагы бир кыз каза тапты. Бул тууралуу Ысык-Көл райондук ооруканасынан Turmush басылмасына билдиришти.

Маалыматка караганда, 2024-жылдын 2-июль күнү саат 07:10 чамасында Балыкчы—Ананьев—Каракол унаа жолунун 85,600-чыкырымында «Мерседес-Бенц» жана «Киа К7» үлгүсүндөгү унаалардын катышуусунда жол кырсыгы катталган. Кырсыктын кесепетинен «Мерседес-Бенц» үлгүсүндөгү унаанын жүргүнчүсү окуя болгон жерде көз жумган. Ошол эле күнү кырсыктан жабыр тарткан 4 жаран ооруканага келип түшкөн.

Алардын ичинен 2000-жылы туулган З.К (кыз киши) жандандыруу бөлүмүнө жаткырылып, саат 21:00 чамасында алган жаракатынан улам көз жумган. Учурда ооруканада 1993-жылы туулган Д.Ж. аттуу жаран дарыланып жатат. Ал эми 1998-жылы туулган эки жаран медициналык жардам алып, бир күндөн кийин ооруканадан чыгып кетишкен.