Turmush — Кечээ, 4-июнда Жети-Өгүз районунун айылдарынын биринде жубайлардын үй-бүлөлүк чырынан кийин күйөөсү каза болуп, аялы камакка алынды. Бул тууралуу айыл тургундары маалымдады.

Маалыматка караганда, аялы үй-бүлөлүк жаңжал учурунда жолдошун бычак менен сайып жибергени айтылууда.

Ал эми Ысык-Көл ОИИБден адам өлтүрүү фактысы болгондугун тастыкташты. 4- июнь күнү Жети-Өгүз РИИБге айылдардын бириндеги үйдө 1980-жылы туулган адам каза тапканы жөнүндө билдирүү түшкөн. Ал жерге ыкчам тобу барып, маркумдун денесинен зомбулуктун белгилери аныкталган. Аталган факт Кылмыш-жаза кодексинин 122 беренесинин (адам өлтүрүү) негизинде каттоого алынган. Кылмышка шектүү катары маркумдун 1979-жылы туулган аялы кармалган.

Учурда соттук эспертизалар дайындалып, тергөө иши жүрүүдө.