Унаалар тинтилип… Кара-Көлдөгү тургун таң эрте күбө болгон көрүнүштү видеого тартты

Turmush — Жалал-Абад облусунун Кара-Көл шаарында белгисиз адамдар унаалардын эшигин бузуп, ичин тинтип кетишти.

Жергиликтүү тургундардын айтымында, бүгүн, 10-июлда эртең менен саат 06:00 чамасында сыртта токтоп турган унаалардын эшиги ачык экенин көрүшкөн. Жалпы 5 автоунаанын эшиктерин ачып, ичин карап, документтерин аңтарып кетишкен.

Ал эми Жалал-Абад облустук ички иштер башкармалыгы Turmush басылмасына билдиргендей, бул окуя боюнча эч ким арыз менен кайрыла элек. Жеринде аймактык милиция кызматкерлери иштеп жатат. Жабырлануучулар арыз жазса, маалыматтардын электрондук журналына катталат.