УКМК Кара-Балтадагы ишканага мөөр басты

Turmush — Кечээ, 13-сентябрда УКМКнын Чүй облусу боюнча башкармалыгынын кызматкерлери Кара-Балтадагы жүргүнчүлөрдү ташуучу автотранспорт ишканасынын (ПАТП) дарбазасына мөөр басышты.

Ишкананын аймагында буга чейин «Кара-Балта Техосмотр» ЖЧКсы болгон. Ал техникалык кароо станциясы үчүн жайды ижарага алган. Станциянын техникалык эксперти эмне болгонун айткан жок.

Кара-Балтадагы жүргүнчүлөрдү ташуучу автотранспорт ишканасынын директору Алексей Бажан билдиргендей, «Кара-Балта Техосмотр» ЖЧКсы алардын аймагындагы жайларды ижарага алат. Окуя автотранспорт ишканасынын ишине эч кандай таасир тийгизген жок. Коомдук транспорт штаттык режимде иштеп жаткан.

14-сентябрь күнү эртең менен бул аймакта «Кара-Балта Техосмотр» ЖЧКсы иштебей калганы белгилүү болгон. Көрнөк белгиси калган жана алынып салынган эмес.

Эми бул жайды «Сокулук Техосмотр» ЖЧКсы ижарага алган. ЖЧКнын техникалык эксперти Фархат Аликеев ЖЧК имаратты ижарага алган башка ишканага мөөр басылганын түшүндүрдү.

Учурда техникалык кароо станциясы ишин улантууда.

Кийинчерээк маалым болгондой, Шаардык кеңештин депутаттарынын кароосуна сунушталган документте УКМКнын төрагасы Камчыбек Ташиевге Кара-Балта шаарында 6000 чарчы метр аянтты ээлеген автобекетти өз ыктыяры менен акысыз өткөрүп берүү боюнча жаран Б.А.дан кат түшкөн.

Автобекет Жайыл-Баатыр көчөсү, 64 дарегинде жайгашкан.