Turmush: Сузактагы шайлоо: Шайлоочулардын 5% добуш берди

Turmush — Сузакта №13 шайлоо округунан парламенттин депутатын шайлоодо бүгүн саат 12:00гө карата шайлоочулардын 5,14% добуш берүүгө катышты. Бул тууралуу аймактык шайлоо комиссиясынын төрайымы Гулиза Сапарова билдирди.

Анын айтымында, ушул мезгилге чейин мыйзам бузуу фактылары катталган эмес.

«Бүгүн, 22-сентябрда Сузак райунунда Жогорку Кенештин депутатын мөөнөтүнөн мурда шайлоо өтүп жатат. Саат 12:00гө карата жалпы шайлоочулардын 5,14% же 6758 шайлоочу добуш берди. Эртең мененки саат 8:00дөн бери аппараттардын иштебей калуусу сыяктуу мүчүлүштүктөр болгон жок. Аны менен катар бир да мыйзам бузуучулук фактысы катталган жок», — деди ал

Кошумчалай кетсек, 13 Сузак шайлоо окуругунда 81 шайлоо участкасы бар. Аларда 124 миң 429 шайлоочу добуш берет.