Turmush — Чүй облусунун Токмок шаарында жеңил унаа менен кичи автобустун катышуусунда жол-транспорт кырсыгы катталды. Бул тууралуу Turmush басылмасына күбөлөр билдирди.
Алардын айтымында, кырсык кечээ, 16-мартта саат 23:45 чамасында Ленин менен С.Ибраимов көчөлөрүнүн (учак айлампасы) кесилишинде болгон. Анда «Лексус» үлгүсүндөгү унаа менен «Мерседес-Бенц Спринтер» үлгүсүндөгү кичи автобус кагышты.
Алдын ала маалымат боюнча, кырсыктан жабыркагандар жок.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
