Токмок шаарынын вице-мэри болуп Аида Рысбаева дайындалды (өмүр баяны)

Turmush — Аида Рысбаева Чүй облусунун Токмок шаарынын вице-мэри болуп дайындалды.

Буга чейин ал Билим берүү жана илим министринин орун басары кызматын аркалап келген.

Рысбаева Аида Жолочуевна 1972-жылы 15-сентябрда туулган. Ал 3 баланын апасы.

Билими:

— 1989-1995-жылдары — Кыргыз мамлекеттик медициналык академиясында дарылоо иши адистиги боюнча окуган;

— 1995-1997-жылдары — Кыргыз медициналык академиясынын тери-венерология кафедрасында клиникалык ординатурада окуган;

— 2021-2023-жылдары — Жусуп Абдрахманов атындагы мамлекеттик башкаруу академиясында «мамлекеттик жана муниципалдык башкаруу» магистри;

Эмгек жолу:

— 1988-жылы — Кыргыз акушердик жана педиатрия илим-изилдөө институтунун жугуштуу оорулар бөлүмүнүн санитары;

— 1998-2001-жылдары — №14 шаардык ооруканасында тери жана венерология дарыгери;

— 2001-2002-жылдары — Улуттук коопсуздук мамлекеттик комитетинин аскердик-медицина кызматында тери жана венерология дарыгери;

— 2002-2003-жылдары — Саламаттыкты сактоо министрлигинин алдындагы саламаттыкты сактоо реформаларын координациялоо жана өздөштүрүү башкы башкармалыгында жетектөөчү адис;

— 2003-2007-жылдары — «Манас» эл аралык аэропортунда медициналык-санитардык бөлүмдүн башчысынын орун басары;

— 2008-2009-жылдары — №7 үй-бүлөлүк медицина борборунун директорунун дарылоо иштери боюнча орун басары;

— 2009-2017-жылдары — №7 үй-бүлөлүк медицина борборунун директору;

— 2013-2017-жылдары — Б.Н.Ельцин атындагы Кыргыз-орус славян университетинин терапия кафедрасынын улук окутуучусу;

— 2017-2019-жылдары — №13 үй-бүлөлүк медицина борборунун директору;

— 2019-2020-жылдары — Бишкек шаарынын мэриясынын социалдык өнүктүрүү башкармалыгынын жетекчиси;

— 2020-2023-жылдары — Бишкек шаарынын мэриясынын муниципалдык администрациясынын башчысынын Биринчи май администрациялык району боюнча социалдык маселелер боюнча орун басары;

— 2023-жылы майдан 2023-жылдын ноябрына чейин — Билим берүү жана илим министринин орун басары;

— 2023-жылдын декабрь айында — «Бишкекжылуулукэнерго» коммуналдык ишканасынын жылуулук энергиясын жана жылуулук алып жүрүүчүнү эсепке алуу приборлору боюнча бөлүмүнүн башчысы.