Тимур Жумалиев Сүймөнкул Чокморов айыл өкмөтүнүн башчысынын милдетин аткаруучу болуп дайындалды

Turmush — Жумалиев Тимур Болотович Чүй облусунун Аламүдүн районунун караштуу Сүймөнкул Чокморов айыл өкмөтүнүн милдетин аткаруучу болуп дайындалды.

Маалым болгондой, тиешелүү буйрукка 2024-жылдын 4-ноябрында Аламүдүн райондук мамлекеттик администрациясынын башчысы Азамат Эргешов кол койду.

Буга чейин аталган кызматта Попиков Олег Владимирович иштеп жаткан. Ал өзү жазган арыздын негизинде кызматынан бошотулду.

Тимур Жумалиев 1981-жылы Аламүдүн районунун Бирдик айылында төрөлгөн. 1998-2003-жылдары К.И.Скрябин атындагы кыргыз агрардык университетинде агроном кесиби боюнча билим алган.

Эмгек жолу:

— 2007-жылы Аламүдүн районунун Гроздь айыл өкмөтүндө айдоочу;

— 2010-жылы «Жумалы» чарбасында агроном;

— 2011-жылы Гроздь айыл өкмөтүндө жерге жайгаштыруу боюнча адис;

— 2017-жылы Гроздь айыл өкмөтүндө жерди өнүктүрүү боюнча башкы адис;

— 2021-жылы Гроздь айыл өкмөтүнүн башчысы;

— 2024-жылы 29-февралынан бери Аламүдүн районунун Достук айыл өкмөтүнүн башчысынын орун басары-жооптуу катчы болуп эмгектенип келген.