Turmush — Таластагы Беш-Таш тоосуна бара жаткан жолдо жарышкан 6 унаанын айдоочусуна 15 миң сомдон айып пул салынды. Бул тууралуу Талас ОИИБдин Жол кыймылынын коопсуздугун камсыздоо башкармалыгынан кабарлашты.

Маалыматка караганда, Талас—Козучак унаа жолунда 2 «Тойота Камри», 1 «Жигули», 1 «Тойота 4Runner», 2 «Мерседес-Бенцтин» айдоочулары ээнбаштык жасап жатканы тартылган видеолору социалдык тармактарда чыгып кеткен. Айдоочулар Жол кыймылынын коопсуздугун камсыздоо кызматкерлеринин ыкчам аракеттеринин негизинде табылып, аларга Укук бузуулар жөнүндөгү кодекстин 189-беренеси (автоээнбаштык) менен протоколдор түзүлүп, ар бирине 15 миң сом айып пул салынып, унаалары айып короого токтотулду.