Turmush — Талас облусунда чөптүн биринчи чабыгы башталды. Бул тууралуу аймактык кабарчыга жергиликтүү тургундар билдиришти.

Жергиликтүү тургун Нооруз Жайлообаев бир нече жылдан бери өзүнүн 2 гектар жеринде чөп эгет. Ал быйылкы жылы чөптүн баасы арзан экенин айтты.

«Быйыл чөптүн биринчи чабыгы болуп жатат. Бирок былтыркы жылга караганда чөптүн баасы арзан. Бир түк чөп 180 сомдон талаада жаткан жеринен сатылып жатса, бир аз эртерээк чабылган дары 200 сомдон жогору сатылып жатат. Былтыр 250-300 сомдон сатылып баштап, жаз айларынын башында 600 сомго чыккан», — деди ал.