Turmush — Кечээ, 30-май күнү Талас облусунда «Алтын тамга» артыкчылык аттестатын алган окуучулар сыйланды. Бул тууралуу облус жетекчилигинен кабарлашты.

Маалыматка караганда, президенттин Талас облусундагы ыйгарым укуктуу ѳкүлү Нурлан Дарданов окуучулар, алардын ата-энелери жана мугалимдери менен жолугушту. «Алтын тамгага» облус боюнча жалпы 8 бүтүрүүчү ээ болгон. Алардын төртөө Талас району жана Талас шаарынан. Талас шаарындагы Рысакова атындагы орто мектебинин 2 окуучусу — Мырзалиева Амелия, Тулебердиева Айтурган, лицей-комплекстин окуучусу Түлөкулова Альбина, ал эми Талас районунан А.Бөрүбаев атындагы орто мектебинин окуучусу Хаписова Адинай бар.

8 бүтүрүүчүгө облус жетекчилиги жана демөөрчүлөр тарабынан ноутбуктар, ал эми мугалимдерине акчалай сыйлыктар тапшырылды.