Turmush — Бүгүн, 21-март күнү Талас шаарында Нооруз майрамы белгиленүүдө, деп билдирди аймактык кабарчы билдирди.

Иш-чарага Кыргыз Республикасынын министрлер кабинетинин төрагасынын орун басары Эдил Байсалов, президенттин Талас ыйгарым укуктуу өкүлү Нурлан Дарданов жана жергиликтүү тургундар катышты.

Иш-чаранын алкагында Талас шаарынын борбордук аянтында Манастын айкелинин ачылышы өтүп, Нооруз майрамына арналган концерттик иш-чара тартууланды.

Учурда улуттук тамак-аш жана айыл чарба көргөзмөсү өтүүдө.

Буга чейин белгилүү болгондой, эстеликтин көчүрмөсү 2017-жылдын август айында Түркиянын Стамбул шаарына, дагы бир үлгүсү КРдин Түркиядагы элчисинин демилгеси менен Анкара шаарына тургузулган.

Айкелдин бийиктиги 12 метрди (өзү 6 метр, постаменти менен 12 метр), жалпы наркы 8,7 млн сомду түзөт. Аны алып келүү жана постаментин даярдоо, орнотуу иштерине демөөрчү фонддон 1 млн 160 миң сом каралган.

Айкелдин авторлору КРдин эл сүрөтчүсү, скульптор Садабек Ажиев жана скульптор Токталы Мурзакаримов.

2017-жылы Түркиянын Стамбул шаарында Манастын эстелиги орнотулган.

Эстелик шаардын Халич районунда орнотулган.

Анкара шаарында орнотулган айкел.

Ал эми Бекмолдо айыл өкмөтүндөгү Б.Сарногоев атындагы маданият үйүндө кыз-келиндер арасында кароо-сынак уюштурулду.

Мындан тышкары Бекмолдо айыл аймагынын шайыр апалары тарабынан сүмөлөк жасалып, айыл тургундарына тартууланды.

Ат оюндар өткөрүлдү.