Талас шаарында 3 завод курулат

Turmush — Талас шаарында биринчи жолу өндүрүш багытында 3 завод курулат. Бул тууралуу мэриянын басма сөз кызматы билдирди.

Маалыматка караганда, шаарда бир асфальт завод, бир темир-бетон завод жана кум-шагыл чыгаруучу завод салынат. Бул боюнча президент Садыр Жапаров тапшырма берип, Талас шаарын өнүктүрүүгө 1 млрдсомдон ашык каражат бөлүнгөн.

Талас шаарынын мэри Эрмат Жумаев тажрыйбалуу адистерди издеп, Кытайга барып сүйлөшүп, 12-июлда өндүрүшчүлөрдү Таласка алып келди. Кытайлык өндүрүшчүлөр менен меморандумга кол коюлду. Алар заводдорду жана Талас шаарынын паркына 8 аттракцион куруп берүүнү убадалашты. 3 завод ачылса100 дөн ашык жумушчу орундар пайда болот. Жыл этегине чейин Талас шаарындагы паркта аттракциондор иштеп калат.