Turmush — Кечээ, 1-июнда Сокулук районунун Раздольный айылынын паркында кыз зордуктоого шектелген адам кармалды. Бул тууралуу Чүй ОИИБ басма сөз кызматы кабарлады.

Маалыматка караганда, милиция аталган айылда зордуктоо болгондугу тууралуу маалымат түшкөн. Бул факты боюнча Сокулук РИИБде Кылмыш-жаза кодексинин 154-беренеси (зордуктоо) менен кылмыш иш козголгон. Тергөө учурунда 1-июнда айылдын паркында О.А. аттуу кыз зордукталганы аныкталган. Кылмышк шектүү катары Т.Ю. аттуу адам кармалып, убактылуу кармоочу жайга киргизилди.

Учурда керектүү соттук-укуктук экспертизалар дайындалып, тийиштүү тергөө амалдары жүргүзүлүүдө.