Turmush — Чүй облусунун Сокулук районундагы Крупск айыл аймагында Балдарды коргоонун эл аралык күнүнө карата 2012-2013-жылдары туулган балдар арасында футбол мелдеши өттү. Бул тууралуу аймактык кабарчыга аталган райондук мамлекеттик администрациясынын спорт бөлүмүнөн билдиришти.

Мелдешке 6 команда катышты. Крупск айыл аймагынын командасы, Фрунзе айыл аймагынын командасы, Гавриловка, Кызыл-Туу, Ат-Башы айыл аймактарынын жана Шопоков шаарынын командасы күч сынашты.

Жыйынтыгында, 1-орунду Фрунзе айыл аймагынын командасы, 2-орунду Гавриловка айыл аймагынын командасы, 3-орунду Шопоков шаарынан келген жаш футболчулар жеӊишти.

Жеӊүүчүлөр кубок, диплом, медаль, белектер менен сыйланса, көрүүчү жаш балдарга таттуулар таратылды.