Turmush — Ош облусунун Ноокат районунда нөшөрлөп жааган катуу жамгырдан пайда болгон сел Көк-Жар айыл аймагынын Абшыр-Сай бөлүмүнүн Найман жаңы көпүрөсүн алып кеткен.

Учурда өкүлдүн биринчи орун басары Курбанбек Айтибаев тиешелүү мекеме ишканалардын жетекчилери менен жеңил автоунааларды эски көпүрөдөн бирден өткөрүп, жеринде координациялоодо.

Жүк ташуучу чоң автоунааларга сай тараптан жол салуу иштерине техника тартылууда.

Облус жетекчиси Эльчибек Жантаевдин тапшырмасынын негизинде бардык тармактар жеринде иш алып барууда.

Техника, кошумча күч, күйүүчү май баары жетиштүү.