Рухий-Мурас 2 жаңы конушундагы чырдан улам бейбаштыкка шектүү кармалды

Turmush — Чүй облусунун Ысык-Ата районуна караштуу Рухий-Мурас 2 жаңы конушунда жер талаштан улам келип чыккан чыр-чатак учурунда тургунду сабаган шектүү кармалды.

Облустук милициядан билдиришкендей, социалдык тармактарда Рухий-Мурас 2 жаңы конушунда тургундардын ортосунда жер талаштан улам чыр чыккан видео тараган.

Бул маалыматты текшерүү учурунда 2024-жылдын 25-августунда Ысык-Ата райондук ички иштер бөлүмүнө 1995-жылы туулган Т.У. кайрылып, 25-августта белгисиз адамдар анын Рухий-Мурас 2 жаңы конушунда жайгашкан жер тилкесинде курулуш иштерин жүргүзүп жатышканын аныкталган.

Арыз ээси 1994-жылы туулган жаран Р.И. анын денесине себепсиз залал келтиргендигин көрсөткөн. Бул факт РИИБге катталып, Кылмыш-жаза кодексинин 280-беренесинин (бейбаштык) негизинде кылмыш иши козголгон.

Бул иш боюнча бардык зарыл болгон соттук-укуктук экспертизалар дайындалган.

Иликтөө иштеринин жүрүшүндө жер тилкеси жаран Т.У.га таандык экени аныкталган. 2020-жылдын 29-январында ал жаран К.Ы.дан 5000 долларга сатып алган. Кийинчерээк бул жер тилкеси башка адамга таандык экени, жаран К.Ы. Кылмыш-жаза кодексинин 209-беренеси (алдамчылык) боюнча кылмыш иши козголгон.

Кылмыш ишинин тергөө материалдары маңызы боюнча кароо үчүн райондук сотко жөнөтүлдү. Учурда кылмыш иши каралып жатат.

Ыкчам-издөө иш-чараларынын жүрүшүндө Кылмыш-жаза процессуалдык кодексинин 96-беренесине ылайык, бейбаштыкка шектелип 1994-жылы туулган жаран Р.И. кармалды. Ал убактылуу кармоочу жайга киргизилген.

Учурда тергөө иштери уланууда.