Turmush — Расулбек Арапов Ош облусунун Ноокат районунун Көк-Жар айыл аймагынын кеңешинин төрагасы болуп шайланды.

Кечээ, 20-февралда жаңыдан түзүлгөн Көк-Жар айыл аймагынын кеңешинин уюштуруу сессиясы болуп өттү.

Жалпы 33 миң 462 адам жашаган Көк-Жар айыл аймагы Көк-Жар, Найман жана Он-Эки-Бел айыл аймактарын бириктирүү менен түзүлгөн.

Көк-Жар айылдык кеңешинде биригүүнүн натыйжасында депутаттардын саны 58ге жетти: Көк-Жар кеңешинин 31 депутаты, Найман кеңешинин 11 депутаты жана Он-Эки-Бел кеңешинин 16 депутаты.

Найман айыл аймагынын кеңешинин учурдагы төрагасы Сатар уулу Асилбек жана Он-Эки-Бел айыл аймагынын кеңешинин учурдагы төрайымы Абдыкаимова Бүзайнап Абдимиталиповна өз каалоолору менен талапкерликтен баш тартуу жөнүндө арыз берген. Көк-Жар айыл аймагынын кеңешинин учурдагы төрагасы Арапов Расулбек Турганбаевич жалгыз талапкер болду.

Сессияга бириккен Көк-Жар айыл аймагынын 48 депутаты катышты. Ачык добуш берүүнүн жыйынтыгы менен 48 добуш алып, Арапов Расулбек Турганбаевич Көк-Жар айылдык кеңешинин төрагасы болуп шайланды.

Ноокат районундагы административдик-аймактык реформа тууралуу бул шилтеме аркылуу окуңуз.