Turmush — 37 жаштагы Норузбаев Раджу Дүйшенкадырович Кара-Балта шаардык мэриясынын аппарат жетекчиси болуп дайындалды.

Маалым болгондой, тиешелүү буйрукка 2024-жылдын 25-июнунда шаар мэри Мирлан Жекшенов кол койду.

Аталган кызматта 2021-жылдын 10-февралынан 2024-жылдын 16-апрелине чейин Шабданалиев Нурбек Садырбекович иштеген. Ал «Кыргызалтын» футбол клбунун директору болду.

Раджу Норузбаев 1987-жылы 23-майда Сокулук районунун Октябрь айылында туулган.

Кыргыз мамлекеттик техникалык университетинде инженер адистиги боюнча жогорку билим алган.

Буга чейин «Сокулук таза суу» муниципалдык ишканасында директор болуп иштеген. 2023-жылдын июнь айында Аламүдүн районунун акиминин буйругу менен Ак-Дөбө айыл өкмөтүнүн башчысы болуп дайындалган.