Петровка айылында алгачкы жолу өзүн-өзү тейлөөчү унаа жуучу жай ачылды

Turmush — Айдоочуларга жакшы шарт түзүү максатында Чүй облусунун Москва районуна караштуу Петровка айылында миллион сомго алгачкы жолу өзүн-өзү тейлөөчү унаа жуучу жай ачылды. Бул тууралуу Төрт-Гүл айыл өкмөтүнөн билдиришти.

Маалым болгондой, административдик-аймактык реформадан кийин Беш-Терек, Предтеченка жана Петровка айыл аймактары бириктирилип, борбору Петровка айылы болуу менен жаңы аталыштагы Төрт-Гүл айыл өкмөтү түзүлгөн.

«Айыл аймагыбыз райондун борборуна жакын жайгашкан. Анда А.Ж. аттуу жеке ишкер тарабынан миллион сомго өзүн-өзү тейлөөчү унаа жуучу жай ачылды. Албетте, мындай көрүнүш айдоочуларга жакшы шарт түзүү менен бирге айылдын инфратүзүмүн жакшыртууга негиз болду. Ошону менен бирге петровкалык дагы бир жеке ишкер тарабынан да унаа жуучу жай курулуп жатат», — дешти аталган айыл өкмөттөн.