Панфилов районунда жаңы базар курулуп жатат (сүрөт)

Turmush — Панфилов районунун Курама айыл аймагына караштуу Панфиловка айылында жаңы базар курулуп жатат, деп билдирет аймактык кабарчы.

Маалыматка караганда, жаңы базардын курулушунун максаты — айыл жергесинин инфратүзүмүн жакшыртуу жана элге жагымдуу шарт түзүү.

«Бишкек—Чалдыбар унаа жолунан Кайыңды шаарына карай бурулганда базар жайгашкан. Аталган базар жолго жакын, кооптуу болуп келген. Эми унаа жол кеңейтилип, арт жагына жаңы базар курулуп жатат. Анын күрулушу жеке ишкерлердин эсебинен жүзөгө ашууда», — дешет жергиликтүү тургундар.