Өзгөндө «алтын сертификатка» татыган окуучуларга 100 миң сомдон берилди

Turmush — Быйылкы окуу жылында Ош облусунун Өзгөн районунда 2 окуучу «алтын сертификатка» ээ болуп, 15 окуучу ЖРТдан 200дөн жогору упайга татыган. Аларга демөөрчүлөр тарабынан акчалай сыйлыктар тапшырылганын райондук билим берүү бөлүмүнүн башчысы Акуш Асанов билдирди.

Анын айтымында, «алтын сертификатка» татыган окуучулар президент Садыр Жапаров, президенттин Ош облусундагы ыйгарым укуктуу өкүлү Элчибек Жантаев тарабынан сыйлыктарды алышты.

«Өзгөн районундагы демөөрчү тарабынан «алтын сертификат» алган 2 окуучуга 100 миң сомдон, ЖРТдан 221 упай алган окуучуга 50 миң сом берилди. Айыл өкмөттөр тарабынан 15 окуучуга акчалай сыйлыктар тапшырылды», — дейт А.Асанов.